Подобрување на наставата, учењето и истражувањето во медицинската физика во земјите од Југоисточна Европа користејќи модерни технологии, иновативни педагогии и клиничка практика

Наслов на проектот: „Подобрување на наставата, учењето и истражувањето во медицинската физика во земјите од Југоисточна Европа користејќи модерни технологии, иновативни педагогии и клиничка практика"
Код на проектот: 2025-1-RO01-KA220-HED-000362472
Акроним на проектот: TechMP
Времетраење: ноември 2025-октомври 2028
Вкупен буџет: 400.000 евра
Проектот „Подобрување на наставата, учењето и истражувањето во медицинската физика во земјите од Югоисточна Европа користејќи модерни технологии, иновативни педагогии и клиничка практика" е кофинансиран од програмата Еразмус+, Партнерства за соработка во високото образование
Менаџер на проектот: Предавач Михаела Тинка УДРИШТИОИУ

Проектот има за цел да ги развие клиничките и теоретските вештини на студентите и наставниците кои предаваат предмети од областа на медицинската физика. Проектот исто така има за цел да го подобри клиничкото искуство на наставниот кадар, истражувањето во медицинската физика, вмрежувањето и наставните методи што се користат во медицинската физика за да се направи наставниот процес поинтерактивен и поатрактивен за студентите. Проектот ќе ја олесни размената на искуство и добри практики меѓу партнерските универзитети во врска со наставните активности, организацијата на работилници, вебинари и конференции за студенти, заедничкото развивање на наставни материјали и пишувањето научни статии.
Проектните активности се организирани во три работни пакети: РП1 Управување со проектот, РП2 Изработка на наставни материјали што ќе се користат во активности со студенти и наставници во рамките на заедницата на практиката, РП3 Организација на активности со студенти и наставници во заедницата на практиката создадена во рамките на проектот.
Резултати од проектот: 1. Четири дигитални модули: а) Пишување научна статија и потребата од одобрување на студиите од етички комитети кога податоците се однесуваат на луѓе; б) Детектори што се користат во радиотерапија, нуклеарна медицина и медицинско сликање; в) ЕУ регулативи и професионални основи во медицинската физика; г) Иновативни наставни методи насочени кон вештачката интелигенција во медицинската физика 2. Лабораториски водич со експерименти, симулации и планови за третман користејќи различен специјализиран софтвер; 3. Збирка на планови за третман; 4. Шест видеа што вклучуваат виртуелна реалност; 5. Две научни статии; 6. Опис на курс за студенти на додипломските студии по медицинска физика; 7. Четири кариерни карти за Романија, Бугарија, Северна Македонија и Грција.